“PAŞA Bank”ın hazırda Azərbaycanda hər hansı bankı almaq planı yoxdur.
Bunu “PAŞA Bank”ın İdarə Heyəti sədrinin müavini Bəhruz Nağıyev bankın 2026-cı ilin ilk yarısının nəticələrinə həsr olunan mətbuat konfransında bildirib.
O, eyni zamanda bank sektorunda gedən konsolidasiya prosesini müsbət qiymətləndirdiklərini bildirib.
Nağıyevin sözlərinə görə, konsolidasiya nəticəsində daha böyük və güclü bankların formalaşması sektorun inkişafına və dayanıqlılığının güclənməsinə töhfə verə bilər.
