Azərbaycan Respublikası Mərkəzi Bankının İdarə Heyəti uçot dərəcəsinin 25 baza punktu azaldılaraq 7.75%-dən 7.5%-ə endirilməsi haqda qərar qəbul etmişdir. Faiz dəhlizinin yuxarı və aşağı hədləri uçot dərəcəsinə ±1.75%-lik diapazonda müəyyənləşdirilmişdir (9.25% və 5.75%).
Bu barədə Banker.az-a AMB-dən məlumat daxil olub.
Buna qədər isə faiz dəhlizi belə idi:
- Aşağı həddi – 6%
- Yuxarı həddi – 9.5%
- Uçot faiz dərəcəsi – 7.75%
İdarə Heyətinin pul siyasətinə dair son toplantısından keçən dövrdə illik inflyasiya proqnozlaşdırılan trayektoriyadan kənara çıxmamış və hədəf diapazonunun mərkəzindən aşağıda qalmışdır.
