Rusiyanın Mərkəzi Bankı 2015-ci ilin I rübü üçün istehlak kreditlərinin dəyərlərinin limit həddini elan etdi. Bu göstəricilərə tək faiz dərəcələri deyil, cərimələr istisna olmaqla kreditlə bağlı bütün xərclər daxil edilmişdir.
2015-ci ilin 1 yanvarından etibarən yeni avtomobil üçün kreditin illik dəyəri 20,32%, ikinci əl avtomobil üçün isə 32,215% məhdudlaşdırılacaq. Kartla verilən kreditin maksimum dəyəri 34,616%-i, POS-kreditin dəyəri 54,939 %-i, məqsədsiz kreditlər və borcun yenidən maliyyələşdirilməsi isə 46,795%-dən çox ola bilməz. Digər kreditlər üçün isə maksimum hədd məbləğdən və borcun ödənilməsi müddətindən asılı olaraq dəyişir. Bütün göstəricilər bazardakı borcların orta dəyərləri əsasında hesablanmışdır.
