Azərbaycan Respublikasının tədiyə balansının cari əməliyyatlar hesabında iri həcmli profisitlə əlaqədar ilin əvvəlindən bəri Mərkəzi Bankda keçirilən valyuta hərraclarının 95%-də təklif tələbi üstələyib.
Bunu Banker.az Azərbaycan Mərkəzi Bankına istinadən xəbər verir.
Qeyd edək ki, 2023-cü ilin ilk 9 ayda 6.7 mlrd. ABŞ dolları profisit yaranıb.
Bu şəraitdə Mərkəzi Bankın valyuta bazarına müdaxiləsi alışyönlü olmuş 1.4 mlrd. ABŞ dolları təşkil etmişdir. Nəticədə Mərkəzi Bankın valyuta ehtiyatları 20.3% artaraq 10.8 mlrd. ABŞ dollarını keçmişdir.
