Yapon avtomobil markası “Mazda” loqosunu dəyişib. Qeyd edək ki, şirkət yaranandan bəri 16-cı dəfə loqosunu yeniləyib. Köhnə loqo metaldan oyulmuş kimi görünürdü, yeni dizayn isə avtomobil sənayesindəki mövcud tendensiyalara uyğundur.
“Mazda” 1920-ci ildə “Toyo Cork Kogyo Co” kimi yaradılıb, avtomobil istehsalına isə 1931-ci ildə başlayıb.
İstehsalçının saytında verilən açıqlamaya görə, “V formalı qanadlar” şirkətin “güclü və davamlı böyüməyə nail olmaq üçün davamlı təkmilləşdirmə” öhdəliyini təmsil edir və eyni zamanda şirkətin “çevik düşüncə, yaradıcılıq, canlılıq, xeyirxahlıq və möhkəmlik” rəmzidir.
