“Microsoft” bir neçə yeni “Surface” cihazını təqdim edib. Təqdimatın mərkəzi oyunçusu 13.5 və 15 düymlük “Surface Laptop 4” noutbukları olub. Onların həm “Intel” (11-ci nəsil), həm də “AMD” (4680U və 4980U) prosessorları ilə işləyən versiyaları mövcuddur.
Bundan əlavə, cihazlar konfiqurasiyadan asılı olaraq 8 GB-dən 32 GB-a qədər RAM və 256 GM-dan 1 TB-a qədər quraşdırılmış SSD yaddaş və sensorlu “PixelSense” ekranı ilə təchiz edilib.
Şirkəti “Surface Laptop 4” modellərinin əvvəlki nəsildən orta hesabla 70% daha sürətli olduğunu və distant işin populyarlığını nəzərə alaraq dizayn edildiyini vurğulayır.
Noutbukların HD-kameraları da həmçinin yenilənib – indi onlar zəif işıqda daha yaxşı işləyir. Eyni zamanda cihazlar “Dolby Atmos” dəstəyi olan “studiya keyfiyyətli” mikrofonlar və dinamiklərlə təchiz edilib.
Modellərin maksimum işləmə müddəti 13.5 düymlük ekran və “AMD” prosessorlu cihazlar üçün 19 saat, 17.5 və 15 düymlük ekran və “Intel” prosessorlu cihazlar üçün isə 17 saat təşkil edir. Qeyd edək ki, bu noutbuklar sürətli şarj texnologiyasını dəstəkləyir və bir saatda 80%-dək enerji toplayır.
Portların dəstəyi dəyişməyib: modellərdə USB-A və USB-C portları, audio-portu və şarj üçün “Surface Connect” quraşdırılıb. SSD yaddaş cihazın arxasındakı panelindən çıxarılaraq dəyişdirilə bilər.
“Surface Laptop 4” noutbuklarının qiymətləri konfiqurasiyadan asılı olaraq dəyişir:
– 13.5 düymlük ekran, “AMD Ryzen 5 prosessoru, 8 GB RAM və 256 GB daxili yaddaş – 999 dollar.
– 13.5 düymlük ekran, “AMD Ryzen 5 prosessoru, 16 GB RAM və 256 GB daxili yaddaş – 1199 dollar.
– 13.5 düymlük ekran, “Intel Core i5” prosessoru, 8 GB RAM və 512 GB daxili yaddaş – 1299 dollar.
– 13.5 düymlük ekran, “Intel Core i5” prosessoru, 16 GB RAM və 512 GB daxili yaddaş – 1499 dollar.
– 15 düymlük ekran, “AMD Ryzen 7” prosessoru, 8 GB RAM və 256 GB daxili yaddaş – 1299 dollar.
– 15 düymlük ekran, “AMD Ryzen 7” prosessoru, 16 GB RAM və 256 GB daxili yaddaş – 1499 dollar.
– 15 düymlük ekran, “AMD Ryzen 7” prosessoru, 16 GB RAM və 512 GB daxili yaddaş – 1699 dollar.
– 13.5 düymlük ekran, “Intel Core i7” prosessoru, 16 GB RAM və 512 GB daxili yaddaş – 1699 dollar.
– 13.5 düymlük ekran, “Intel Core i7” prosessoru, 32 GB RAM və 1 TB daxili yaddaş – 2299 dollar.
– 15 düymlük ekran, “Intel Core i7” prosessoru, 16 GB RAM və 512 GB daxili yaddaş – 1799 dollar.
– 15 düymlük ekran, “Intel Core i7” prosessoru, 32 GB RAM və 1 TB daxili yaddaş – 2399 dollar.
“Surface Headphones 2+” və “Microsoft Teams” dəstəkləyən digər cihazlar
“Microsoft” ətrafdakı səs-küyü aradan qaldıran yeni “Surface Headphones 2+” qulaqlıqlarını təqdim edib.
Qulaqlıqların üzərində “Teams” messencerini idarə etməyə imkan verən xüsusi düymə var.
Cihazın avtonom işləmə müddəti (18.5 saat) və digər parametrləri dəyişməyib. Qiyməti – 299 dollardır (əvvəlki versiyadan 50 dollar baha).
Eyni zamanda şirkət “Modern” cihazlarının yenilənmiş versiyalarını təqdim edib:
- Səsi idarə edən düymələr və mikrofonla təchiz edilmiş USB. Qiymət – 49.99 dollar.
- Simsiz qulaqlıqlar
İş müddəti 50 saata qədərdir. 2021-ci ilin iyun ayında satışa çıxması planlaşdırılır. Qiyməti ilə bağlı hər hansı məlumat yoxdur.
- Veb-kamera
Bu veb-kamera 1080p HDR-videoları, “True Look” texnologiyasını və 78 dərəcədə baxış bucağını dəstəkləyir. Kompüterə USB vasitəsilə qoşulur. İstifadəçilərin təhlükəsizliyini təmin etmək üçün kameranın linzasını bağlayan “pərdə” ilə təchiz olunub. Qiymət – 69 dollar.
- USB-kolonka
Cihazın əsas məqsədi “Microsoft Teams” ilə işləməkdir. Burada ətrafdakı səs-küyü aradan qaldıran texnologiya da mövcuddur. Kolonkanın içində USB-C var. Qiymət -99 dollar. 2021-ci ilin iyununda satışa çıxması planlaşdırılır.
