Moldova və Ukrayna iki dövlət arasında sərhədə birgə nəzarəti təşkil edəcək.
Bunu Moldova Daxili İşlər Nazirliyinin rəhbəri Anna Revenko Kişinyovda keçirilən təhlükəsizlik və sərhədlərin möhkəmləndirilməsi üzrə Şərq Forumunda deyib.
“Ukrayna sərhədçiləri ilə birgə Moldova sərhədinin şərq hissəsində yerləşən keçid məntəqəsində Avropa standartlarına uyğun olaraq insanların və yüklərin axınına birgə nəzarət edəcəyik. Ukrayna sərhədçilərinin ölkədə ərazisində yerləşdirilməsi qərarı əsaslıdır”, – Revenko bildirib.
Ümumilikdə, Moldova-Ukrayna sərhədində 35 nəzarət-buraxılış məntəqəsi fəaliyyət göstərir.
