“Morgan Stanley” Yaxın Şərq və ABŞ-də geosiyasi qeyri-müəyyənliyin pik həddə çatması ilə əlaqədar neft qiymətləri proqnozunu azaldıb. Bank 2025-ci ilin birinci rübündə “Brent” markalı neftin qiymətini 72 dollar/barel səviyyəsində proqnozlaşdırır ki, bu da əvvəlki proqnozdan (77.5 dollar/barel) aşağıdır.
Qeyd edək ki, “Morgan Stanley” həmçinin neftə tələb artımı proqnozunu da azaldıb. 2024-cü ildə yenilənmiş gözləntilərə əsasən, tələb sutkada 800 min barelə düşəcək.
OPEC-in neftin hasilat artımını daha bir ay təxirə salması fonunda təklif tələbi üstələməyə davam edir. Bank analitiklərinin fikrincə, cari OPEC+ sazişinin müddəti dekabrın 1-də keçiriləcək iclasda uzadılacaq.
Ekspertlər hesab edirlər ki, ABŞ seçkilərinin nəticələri uzunmüddətli perspektivdə qiymətlərə əhəmiyyətli təsir göstərə bilər, lakin qısamüddətli dinamikanı proqnozlaşdırmaq çətindir.
