Bu ilin yanvar-noyabr aylarında Azərbaycanda əsas kapitala yönəldilmiş vəsaitlər əvvəlki ilin müvafiq dövrünə nisbətən 8.2% artıb. Banker.az xəbər verir ki, bu barədə iqtisadiyyat naziri Mikayıl Cabbarov öz rəsmi Twitter səhifəsində yazıb. Nazir qeyd edib ki, əsas kapitala yönəldilmiş vəsaitin həcmi 13 mlrd. 53,6 mln. ₼ təşkil edib.
Qeyri neft-qaz sektoruna yönəldilmiş vəsaitlərdə artım qeydə alınıb. Bu dövrdə qeyri neft-qaz sektoruna 8 mlrd. 789,7 mln. ₼ sərmayə yatırılıb ki, bu da ötən ilin eyni dövrü ilə müqayisədə 24,5% çoxdur.
