“Hər birimiz koronavirus (COVID-19) pandemiyasından sonra Azərbaycan iqtisadiyyatının bərpa olunduğunu görürük”.
Bunu Avropa İttifaqı (Aİ) və Dünya Bankının (DB) Azərbaycan üçün Çevik Texniki Yardım Aləti (AZTAF) üzrə İnzibati Sazişi imzalaması mərasimində iqtisadiyyat nazirinin I müavini Elnur Əliyev bildirib.
“Ötən il Azərbaycanda ümumi daxili məhsul (ÜDM) 5,6%, o cümlədən qeyri-neft ÜDM-i 7,2%, qeyri-neft sənayesi ÜDM-i 17,8% artıb. Əhalinin gəlirlərində isə 2,6% artım olub”, – o deyib.
