“Lukoil” şirkətinin prezidenti Vahid Ələkbərov neftin bir barelinin 65-75 dollar arasında olmasını həm istehsalçılar, həm də istehlakçılar üçün rahat olduğunu söyləyib.
Banker.az bu barədə “Kommersant”a istinadən xəbər verir.
Onun sözlərinə görə, neftin 100 dollardan yuxarı qalması bazarın çökməsinə səbəb olacaq.
“Mən neftin 100 dollardan yuxarı qalxmasını istəməzdim, çünki bu, aşağı rentabelli, az effektli layihələrə investisiyaları stimullaşdıra bilər ki, nəticədə bazar çökəcək”, – deyə cənab Ələkbərov vurğulayıb. O, “OPEC+” razılaşmasının iştirakçısı olan dövlətlərin neftin qiymətini 65-75 dollar səviyyəsində saxlamağı hədəf tutduğunu qeyd edir.
