Dünya birjalarında neftin qiyməti iyun, iyul fyuçerslərində cüzi bahalaşıb, lakin, 30 dolları ötə bilmir. Bu psixoloji həddi keçə bilməməsi isə birjalarda neftə olan tələbin hələ də az olmasındandır.
Banker.az Bloomberg-ə istinadən xəbər verir ki, Bakı vaxtı ilə 08:11 radələrində Londonun ICE qitələrarası fond birjasında Brent neftinin 1 barelinin dəyəri 14 sent, yəni, 0,48 dollar bahalaşmaqla 29,33 dollara ticarət olunur.
Nyu-Yorkun NYMEX əmtəə birjasında WTI neftinin bir barelinin dəyəri 25 sent, yəni, 0,99% qalxmaqla 25,54 dollara ticarət olunur.
