Dünya birjalarında OPEC+ alyansının neftin hasilatı ilə bağlı razılıq ehtimalları artdıqca dünya birjalarıda “qara qızıl” bahalaşmağa doğru istiqamətlənib.
Banker.az Bloomberg-ə istinadən xəbər verir ki, Bakı vaxtı ilə 9:00 radələrində Londonun ICE qitələrarası birjada Brent markalı neftin 1 barelinin dəyəri 98 sent və ya 3% bahalaşmaqla 34,03 dollar səviyyəsində ticarət olunur.
ABŞ-ın Qərbi Texas – WTI markalı nefti Nyu-Yorkun NYMEX əmtəə birjasında 1 barelinin dəyəri 90 sent və ya 3,5% artmaqla 26,98 dollar qiymətində ticarət olunur.
