OPEC+ ölkələri Səudiyyə Ərəbistanının paytaxtı Ər-Riyadda keçirilən iclasda oktyabr ayından neft hasilatının könüllü qismən azaldılmasını bərpa etmək barədə razılığa gəliblər, Rusiya hökumətinin mətbuat xidməti bildirib. Rusiya Federasiyası Baş nazirinin müavini Aleksandr Novak OPEC və qeyri-OPEC ölkələrinin nazirlərinin 37-ci iclasının, eləcə də OPEC+ ölkələrinin nazirlərin birgə monitorinq komitəsinin videobağlantı vasitəsilə 54-cü iclasında iştirak edib.
Əlcəzair, İraq, Küveyt, Səudiyyə Ərəbistanı, Rusiya, BƏƏ, Qazaxıstan və Oman neft hasilatının gündəlik əlavə 1.7 milyon barel azaldılmasını könüllü olaraq 2025-ci ilin sonuna qədər uzatmaq barədə razılığa gəliblər. Məhdudiyyətlər 2023-cü ilin may ayından tətbiq edilib və 2024-cü ilin sonuna qədər qüvvədə olub. Həmçinin, 2024-cü ilin birinci və ikinci rüblərində qüvvədə olan 2.2 milyon barrel məhdudiyyətləri oktyabr ayına qədər uzadılıb. Rusiya sentyabr ayına qədər neft hasilatını sutkada 8.98 milyon barel səviyyəsində saxlamaq niyyətindədir. Ölkə 2025-ci ilin yanvar ayından hasilatı sutkada 9.1 milyon barelə, iyulda isə 9.3 milyon barelə çatdırmağı planlaşdırır.
İclas iştirakçıları əməliyyatın icrasının qiymətləndirilməsi müddətini 2025-ci ilin noyabrına qədər uzatmaq barədə razılığa gəliblər. Qiymətləndirməyə üç müstəqil mənbə cəlb olunacaq. Tərəflər nazirlərin altı aydan bir, birgə görüşlərin isə iki aydan bir keçirilməsi barədə razılığa gəliblər. Nazirlərin 38-ci görüşü dekabrın 1-də baş tutacaq.
