OPEC 2026-cı ilin yekunları üzrə qlobal neftə tələbat artımı proqnozunu daha 190 min barel/sutka azaldaraq 780 min barel/sutka səviyyəsinə endirib. Bu barədə təşkilatın aylıq hesabatında bildirilir. Beləliklə, proqnoz ardıcıl üçüncü dəfə aşağı salınıb.
OPEC-in proqnozuna əsasən, 2026-cı ildə qlobal neftə tələbat 105,94 milyon barel/sutka təşkil edəcək. İyun hesabatında bu göstərici 106,13 milyon barel/sutka səviyyəsində qiymətləndirilirdi.
2027-ci il üçün isə neftə tələbat artımı proqnozu əvvəlki 1,73 milyon barel/sutkadan 1,9 milyon barel/sutkaya yüksəldilib.
Hesabata görə, OPEC+ sazişinə daxil olmayan ölkələrdə neft hasilatının artımı üzrə 2026-cı il proqnozu 10 min barel/sutka artırılaraq 640 min barel/sutkaya çatdırılıb. Beləliklə, həmin ölkələrdə hasilatın 54,84 milyon barel/sutka olacağı gözlənilir.
2027-ci il üzrə proqnoz isə dəyişməz saxlanılıb. OPEC-in qiymətləndirməsinə görə, OPEC+ ölkələri xaricində neft hasilatı 620 min barel/sutka artaraq 55,45 milyon barel/sutkaya çatacaq.
