ABŞ və Kanada OPEC+ ölkələrinin 9 apreldə keçiriləcək iclasında iştirak etməyəcək. Bu barədə mənbələrə istinadən “Bloomberg” məlumat verir.
Nəşrin qeyd etdiyi kimi, bu ölkələr dəvət almadılar. Ümumilikdə, neft hasilatının azaldılmasını müzakirə etmək üçün OPEC təşkilatında daxil olmayan 7 ölkə dəvət edilib: Argentina, Braziliya, Norveç, Kolumbiya, Misir, İndoneziya, Trinidad və Tobaqo.
Xatırladaq ki, OPEC+ müqaviləsinin bərpa etmək məsələsini ABŞ prezidenti Donald Tramp gündəmə gətirmişdir. Danışıqlar ötən bazar ertəsi gününə təyin edilsə də, tərəflər indiyə qədər konsensus əldə edə bilməyiblər deyə, iclas təxirə salındı.
