“Oppo” şirkəti yeni nəsil “Reno 7” smartfonlarını təqdim edib.
Banker.az xəbər verir ki, məlumata görə, üç model nümayiş etdirilib – “Reno 7”, “Reno 7 Pro” və “Reno 7 SE”.
“Reno 7 SE” smartfonu “MediaTek Dimensity 900” sistemi üzərində qurulub və 8 GB operativ yaddaş, 128 GB (və ya 256 GB) daxili yaddaşla təchiz edilib. Bundan əlavə, cihaz 16 MP ön kamera və 48, 2, 2 MP arxa kamera alıb.
“Reno 7” smartfonu “Qualcomm Snapdragon 778G” çipi, 8 və ya 12 GB operativ yaddaşı, 128 və ya 256 GB daxili yaddaş, həmçinin 32 MP ön kamera ilə təchiz edilib. Cihaz 60 Vt sürətli şarj funksiyasını dəstəkləyir.
“Reno 7 Pro” smartfonu “Dimensity 1200” çipi, 8 və ya 12 GB RAM, 256 GB daxili yaddaş, 6.55 düymlük OLED ekran, 4500 mAh batareya, 50,8 və 2 MP kamera ilə təchiz edilib. Qiymətlər aşağıdakı kimidir:
“Reno 7 SE”nin 8/128 GB – 345 dollar, 8/256 GB – 375 dollar; “Reno 7” 8/256 GB – 420 dollar, 12/256 GB – 515 dollar; “Reno 7 Pro” – 580 və 625 dollar.
