22 C
Baku
Thursday, April 18, 2024

Pərviz Şahbazov: “Xudafərin” və “Qız Qalası” SES-lərinin inşası 2-3 ilə tamamlanacaq”

“Azad olunmuş ərazilərdə bir sıra böyük layihələrin məhz xarici investisiyalar hesabına həyata keçirilməsi əsas prioritetlərimizdəndir”.

Bunu energetika naziri Pərviz Şahbazov “Azərbaycanın inkişaf modeli: Dünən, bu gün və sabah” mövzusunda keçirilən konfransda deyib.

Nazir bildirib ki, hazırlanmış “Yaşıl enerji zonası konsepsiyası” investorlar da daxil olmaqla hər kəs üçün bölgəni ekoloji cəhətdən təmiz enerji ilə təchiz edərək böyük miqyaslı fəaliyyətin aydın mənzərəsini yaradır: “Bu ərazilərdə yaşıl xarici sərmayə qoyuluşunun ilk nümunəsi 240 meqavatlıq günəş elektrik stansiyası üzrə BP ilə əməkdaşlığımızdır. Xarici investisiya hesabına digər bir layihənin Kəlbəcər və Laçın ərazisində reallaşdırılması nəzərədə tutulur. 100 meqavat gücündə külək elektrik stansiyası layihəsinə marağın öyrənilməsi məqsədilə investorlara məlumat sorğusu sənədi təqdim olunub”.

P.Şahbazov vurğulayıb ki, bundan əlavə işğaldan azad olunmuş ərazilərdə hidroenerji potensialının istifadə olunması istiqamətində müvafiq işlər görülür: “Həmçinin 140 meqavat gücündə “Xudafərin” və “Qız Qalası” su elektrik stansiyalarının inşasının yaxın 2-3 ildə tamamlanması da regionun yaşıl enerji zonasına çevrilməsinə öz töhfəsini verəcək”.

Son xəbərlər
Digər xəbərlər