Azərbaycan pomidorları ən yaxşılardandır və mən Azərbaycan tədarükçülərini Pakistan bazarına dəvət edirəm. Azərbaycan pomidorlarını Pakistan bazarlarında görmək istərdim.
Bunu Pakistanın Azərbaycandakı səfiri Bilal Haye Pakistandan Azərbaycana Avtomobil Nəqliyyatı ilə Yükdaşımalara həsr olunmuş tədbirdə deyib.
Onun sözlərinə görə, artıq Pakistan məhsullarının Azərbaycana tədarükünün şahidiyik və Azərbaycan mallarının Pakistan bazarlarına ixracı üçün hazırda böyük imkanlar var.
Qeyd edək ki, 7 oktyabr 2021-ci il tarixində Bakıya gələn və Pakistandan ixrac məhsulları daşıyan, Pakistandan Azərbaycana iki nəqliyyat vasitəsi (yük maşını) ilə pilot layihə həyata keçirilir. Yük maşınları Azərbaycandan məhsulları ilə Pakistana qayıdacaq.
