“Parabank”ın ləğv prosesinin dayandırılmasının səbəbi açıqlandı

Lisenziyası ləğv edilmiş “Parabank” bank olmayan kredit təşkilatına çevrildiyi üçün onun məcburi ləğv prosesi dayandırılıb.

Bu barədə bankın ləğvedicisi olan Azərbaycan Əmanətlərin Sığortalanması Fondunun (ADİF) açıqlamasında bildirilir.

Məlumatda deyilir ki, “Ləğv prosesində olan “Parabank” ASC bank olmayan kredit təşkilatına çevrildiyi üçün(BOKT) məcburi ləğv prosesinin dayandırılması və ləğvedici qismində Əmanətlərin Sığortalanması Fondunun fəaliyyətinə xitam verilməsi ilə bağlı 1 saylı Bakı İnzibati-İqtisadi Məhkəməsinə müraciət olunmuş və Məhkəmə tərəfindən 10 fevral 2017-ci il tarixdə qərar qəbul edilmişdir.”