“PAŞA Bank”ın səhmdarlarının sayı bankın keçirdiyi ilkin kütləvi təklifdən (IPO) sonra 18 minə yaxınlaşıb.
Banker.az xəbər verir ki, bu barədə bankın 2026-cı ilin ilk yarısının maliyyə və biznes nəticələrinin təqdimatı zamanı bildirilib.
Azərbaycanda özəl bank sektorunda ilk dəfə həyata keçirilən IPO-da 17 960 unikal investor iştirak edib.
IPO üzrə ümumi abunəlik məbləği 66,3 milyon manat, faktiki yerləşdirmə məbləği isə 51,3 milyon manat təşkil edib. Bununla da IPO üzrə abunəlik səviyyəsi 129% olub.
Beləliklə, təklif olunan səhmlərin həcmindən 15 milyon manat daha çox sifariş daxil olub.
Qeyd edək ki, IPO çərçivəsində “PAŞA Bank”ın səhmlərinin 5%-i kütləvi təklif edilib. Bir səhmin təklif qiyməti 55 manat müəyyənləşdirilmişdi.
