®11 iyun 2024-cü il tarixində “PAŞA Kapital İnvestisiya Şirkəti” QSC-nin anderrayteri olduğu “Kapital Bank” ASC-nin istiqrazları abunə yazılışı üsulu ilə birjaya yerləşdirildi. Qiymətli kağızların buraxılış həcmi 30 000 000 ABŞ dolları təşkil edir.
Sənədsiz, adlı, faizli, təmin edilməmiş istiqrazlar premium bazar seqmentində listinqə daxil edilib. Qeyd edək ki, bu istiqrazlar subordinasiya borc şəklində, 7 illik tədavül müddətilə buraxılır. İstiqrazların ödəmə periodu ildə günlərin sayı 360 (üç yüz altmış) olaraq götürülməklə) hər 90 (doxsan) təqvim gününün başa çatması tarixindən növbəti 3 (üç) iş günündən gec olmayaraq təyin edilib.
“Bakı Fond Birjası” QSC-nin ticarət platformasında həyata keçirilmiş və 24 iyun 2024-cü il tarixində yekunlaşmış abunə yazılışında hərrac zamanı 3 hüquqi və 29 fiziki şəxs olmaqla, 32 investor tərəfindən sifariş yerləşdirilmişdir. Yerləşdirmədə bir istiqraz üzrə qiymət 100 (yüz) ABŞ dolları təklif edilməklə, 32 sifariş təqdim olunub. Sifarişlərin ümumi məbləği 30,000,000 dollar təşkil etmişdir.
Qeyd edək ki, hüquqi şəxslər tərəfindən verilmiş sifarişlərin həcmi 18,397,000 dollar (61%), fiziki şəxslər tərəfindən verilmiş sifarişlərin həcmi isə 11,603,000 dollar (39%) olmuşdur.
Gəlirliliyi 7% olan qiymətli kağızların hər birinin nominal dəyəri isə 100 ABŞ dollarıdır. 32 investor tərəfindən 30 000 000 ABŞ dolları dəyərində reallaşdırılmış istiqrazlar üzrə ödəmə 24.06.2031 tarixində baş tutacaq.
Dollarda rəqabətli gəlirlilik təklif edən “Kapital Bank” istiqrazlarını əldə etmək istəyən investorlar “PAŞA Kapital”a https://www.pashacapital.az/ rəsmi saytı və ya 1548 nömrəsi ilə müraciət edə bilərlər.
