16 C
Baku
Sunday, May 26, 2024

Peugeot CEO dəyişikliyi etdi

Bloomberg agentliyinin verdiyi məlumata əsasən, Fransanın avtomobil istehsal edən şirkəti PSAPeugeotCitroen-in yeni baş icraçı direktoru Carlos Tavares olacaq. Tavares Peugeot şirkətində öz vəzifəsini icra etməyə 2014-cü ildən başlayacaq.O bu vəzifədə PhilippeVarin-i əvəz edəcək.

2013-cü ilin avqustuna qədər Tavares Renault şirkətində baş əməliyyat müdiri vəzifəsində işləyib. Əvvəllər verilən məlumatlara görə o şəxsi layihələri ilə məşğul olacaqdı, lakin bunların məhz hansı layihələr olduğu açıqlanmırdı. Tavares Renault şirkətində 30 ildən artıq çalışıb. Buna qədər isə o NissanMotor şirkətinin Şimali Amerika bölməsinə rəhbərlik edib.

Tavares Renault şirkətini tərk etməmişdən bir neçə həftə əvvəl bəyan etmişdi ki, GeneralMotors və FordMotor kimi nəhəng avtomobil şirkətlərinə rəhbərlik etmək istəyərdi. O həmçinin bildirmişdir ki, Renault şirkətində o karyera artımına ümid bəsləmir. Belə ki, yaxın gələcəkdə də şirkətə əvvəlki kimi Carlos Ghosn rəhbərlik edəcək.

Son xəbərlər
 ⁠
Digər xəbərlər