Azərbaycan Respublikasının Qida Təhlükəsizliyi Agentliyi (AQTA) istehlaka yararsız və istifadə müddəti bitmiş məhsulların məhv edilməsi ilə bağlı Agentliyə daxil olan müraciət əsasında “Təhlükəli Tullantılar” MMC-nin tullantıların zərərsizləşdirilməsi poliqonunda məhv edilmiş məhsulların siyahısını təqdim edib.
Banker.az AQTA-ya istinadən həmin siyahını təqdim edir:
- “Ulu Gida Group” MMC-yə məxsus ümumi çəkisi 52 kq “Aly Yufka” əmtəə nişanlı xəmir məhsulu və 40.2 kq mayonez və ənginar məhsulu;
- “Fenix Trade” MMC-yə məxsus ümumi çəkisi 580 kq dəniz məhsulu və alkoqolsuz içkilər;
- “Pribaltika” MMC-yə məxsus ümumi çəkisi 1360 kq ət və süd məhsulları;
- “Merano-Baku” MMC-yə məxsus ümumi çəkisi 3630 kq müxtəlif növ qida məhsulları.
