Azərbaycanda ilk dəfə Qarabağ atlarının auksion satışı həyata keçiriləcək.
Banker.az bu barədə İqtisadiyyat Nazirliyinə istinadən xəbər verir.
Nazirlikdən bildirilir ki, “Aqroservis” Açıq Səhmdar Cəmiyyətinin tabeliyində olan Qobustan Heyvandarlıq Nümayiş Kompleksində aprelin 15-də keçiriləcək auksionda həm yerli, həm də xarici təsərrüfat sahibləri, sahibkarlar iştirak edə bilərlər. Hərraca yüksək potensiala malik xüsusi seçilmiş atlar çıxarılacaq və satış auksion formatına uyğun olaraq həyata keçiriləcək. Bununla yanaşı, kompleksdə Qarabağ atları haqqında canlı və interaktiv məlumatlar veriləcək. Atların satışı son qiymətə uyğun rəsmiləşdiriləcək və sığorta şirkəti tərəfindən sığortalanacaq.
Hərracda iştirak etmək istəyənlər elan verildiyi gündən 1 659 satış mərkəzinə müraciət edib qeydiyyatdan keçə bilərlər.
