“Qarabağ” futbol klubu cari sezonda avro kuboklarda iştiraka görə 1,7 milyon avro qazanıb. Verilən məlumatlara görə komanda Çempionlar liqasında UEFA-dan ölkə çempionu qismində 200 min, əlavə olaraq 3-cü seçmə mərhələsində çıxış etməyə görə də 200 min, qalan 1 milyon 300 mini isə Avropa liqasının qrup mərhələsinə düşməyə görə əldə edəcək.
Hazırda “Qarabağ” futbol klubunun öz xəzinəsini doldurmaq üçün daha çox şansları var. Qrup mərhələsində qalibiyyət komandaya 200 min avro, heç-heçə 100 min avro qazandıracaq. Qrupun liderinə 400 min, ikinci pillədə olan komandaya 200 min avro veriləcək. Üstəlik, 1/16 finala vəsiqə əldə edən komandanın 200 min avro əldə edəcəyi gözlənilir.
Beləliklə, qrup mərhələsində 6 oyunda 6 qalibiyyətə sahib olmaqla əlavə 1 milyon 800 min avro qazanmaq mümkündür.
