Qazaxıstan Xarici İşlər Nazirliyi səfirlik əməkdaşlarının Ukraynadan təxliyəsi imkanlarını araşdırır.
Bu barədə Qazaxıstan XİN rəsmi nümayəndəsi Aybek Smadiyarov söyləyib.
“İndi səfirliyin bağlanması deyil, bizim səfirliyin əməkdaşlarının təxliyəsi məsələsi gündəmdədir. Təxliyə güman ki, tam tərkibdə olacaq”, o deyib.
Smadiyarov diplomatik personalın hansı şəhərə təxliyə ediləcəyini deməyib.
Bazar ertəsi Kiyevdəki Qazaxıstan səfirliyi ölkə vətəndaşlarından Ukraynaya səfər etməməyi və mümkün olduqca bu ölkənin ərazisindən çıxmağı tövsiyə etmişdi.
