Süni intellekt əsasında video yaratma platforması Higgsfield yeni investisiya raundunda 400 milyon dollar cəlb edib və şirkətin qiymətləndirməsi 5,4 milyard dollara çatıb. Raundda DST Global, Goldman Sachs, Liberty Global, Intel və digər investorlar iştirak ediblər. Bu, şirkətin son bir ildə keçirdiyi ikinci böyük maliyyələşdirmə raundudur: 2025-ci ilin dekabrında Higgsfield 1,3 milyard dollar qiymətləndirmə ilə 80 milyon dollar investisiya cəlb etmişdi.
Şirkət 2025-ci ildə fəaliyyətə başlayıb və bir il ərzində gəlirlərini əhəmiyyətli dərəcədə artırıb. Financial Times-ın məlumatına görə, avqustda Higgsfield-in illikləşdirilmiş gəliri bir il əvvəlki 20 milyon dollardan 700 milyon dollara yüksəlib. Platformadan 238 ölkə və ərazidə 30 milyondan çox insan istifadə edir. Şirkətin ən böyük bazarı isə ABŞ olaraq qalır.
Higgsfield-dən süni intellekt əsaslı marketinq üçün istifadə edən şirkətlər arasında artıq Dollar Shave Club da var. Şirkət yeni kapitalı korporativ məhsulların inkişafına, təhlükəsizliyin gücləndirilməsinə və hesablama güclərinin artırılmasına yönəltməyi planlaşdırır.
Higgsfield-in həmtəsisçisi Aleks Maşrabov bildirib ki, hesablama resurslarına tələb artır. Buna görə cəlb olunan vəsaitin bir hissəsi şirkətə ehtiyac duyduğu hesablama güclərini əvvəlcədən rezerv etməyə imkan verəcək.
