Qırğızıstan və Tacikistan arasındakı sərhəddə vəziyyət yenidən kəskinləşib

Qırğızıstan və Tacikistan arasındakı sərhəddə vəziyyət yenidən pisləşib. Banker.az xəbər verir ki, bu barədə “RİA Novosti”yə Qırğızıstan Dövlət Sərhəd Xidmətinin mətbuat mərkəzindən bildirilib.

“Tacikistan tərəfi 4 iyun 2021-ci il tarixdə saat 03:00 radələrində Çon-Alay rayonunun Unzhu-Bulak ərazisində konteyner quraşdırmağa başlayıb”, – deyə agentliyin sözçüsü bildirib.

Onun sözlərinə görə, o vaxtdan bəri vəziyyət kəskin olaraq qalır, taciklər konteynerdən ayrılaraq ərazidən 600 metr uzaqlaşıb. Bundan əlavə, mətbuat xidmətinin vurğuladığı kimi, Tacikistan tərəfdən avtomobillərdə və yüngül zirehli maşınlarda hərbi qulluqçu sıxlığı qeydə alınıb.

“Qırğızıstan tərəfi vəziyyəti tərəflərin sərhəd təmsilçiləri səviyyəsində tənzimləmək üçün tədbirlər görür, lakin Tacikistan Respublikasının sərhəd təmsilçiləri telefon zənglərinə cavab vermirlər” – deyə departament əlavə edib.

Tacikistan və Qırğızıstan sərhədindəki qarşıdurma 29 aprel cümə axşamı günü atışma ilə bağlayıb və genişmiqyaslı döyüşlərə çevrilib. Bunun səbəbi iki ölkə arasında “Qolovnoy” su paylama məntəqəsi ilə bağlı uzun müddətdir davam edən ərazi mübahisəsi olub. Elə həmin gün axşam Tacikistan və Qırğızıstan baş nazirləri Kazandakı danışıqlarda atəşkəs barədə razılığa gəliblər.


Kredit müraciəti

Sizin müraciətiniz banka göndərildi.