Çərşənbə günü dünya bazarında qızılın qiyməti ilin əvvəlindən bəri ilk dəfə bir unsiya üçün 1 900 dollar səviyyəsini aşıb. Verilən məlumata görə, qiymətli metalın qiyməti 0.5%-dən çox artaraq 1 910 dollara çatıb ki, bu da 8 yanvar tarixindən bəri ən yüksək göstəricidir.
Qızıl qiyməti iki aydır artmağa davam edir və bu müddət ərzində artım 13.4% təşkil edib. Mütəxəssislərin sözlərinə görə, qiymətli metalın qiymətinin 1 900 dollar səviyyəsinə geri qayıtması borc alətlər seqmentindəki nikbinliyi və Amerika valyutasının dəyişkənliyini əks etdirir.
