Əsas iqtisadi göstəriciləri təhlil edən və ekspertlərlə müsahibələr aparan “Financial Times” (FT) qəzetinin fikrincə, qlobal inflyasiyanın pik həddə çatacağı və yavaşımağa davam edəcəyi ehtimal edilir. Belə ki, Almaniyada oktyabrda topdansatış istehsalçı qiymətləri əvvəlki ayla müqayisədə 4.2% azalıb – belə bir azalma 1948-ci ildən bəri rekord göstəricidir. Böyük Britaniya və ABŞ-da topdansatış istehsalçı qiymətləri də keçən yay ilə müqayisədə yayda azalıb.
Banker.az bu barədə “Kommersant”a istinadən xəbər verir.
FT qeyd edir ki, demək olar ki, bütün G20 ölkələrində topdansatış istehsalçı qiymətləri oktyabrda sentyabr ayı ilə müqayisədə İspaniya, Meksika, Portuqaliya və Polşa kimi ölkələr də daxil olmaqla azalma göstərib. “Moody’s Analytics”in baş iqtisadçısı Mark Zandi FT-yə bildirib ki, “inflyasiya pik həddə çatıb”.
Göstəricilərin pik səviyyəyə çatması yaxın aylarda yavaşlamanın olacağından xəbər verir. Xanım MakKeon hesab edir ki, “Bizim hesablamalarımıza görə, enerji və ərzaq bazarlarında mövcud vəziyyət yaxın altı ayda inkişaf etmiş ölkələrdə inflyasiyanı təxminən 3% azaltmaqla istehlak qiymətlərinə təsir göstərməyə başlayacaq”.
