JD Power şirkəti ABŞ-ın müxtəlif banklarının 78 min müştərisi arasında sorğu keçirib. Araşdırmanın nəticəsinə görə, mobil bank xidmətlərinə olan tələbat artmağa davam edir. Lakin bu heç də ənənəvi xidmət kanallarını istisna etmir.
Banker.az saytının verdiyi məlumata görə, gənclərin 49%-i bank xidmətlərindən öz telefonları vasitəsilə istifadə edirlər.
Bununla yanaşı, 71% müştəri ildə 14 dəfə bank filiallarına səfər edir. Son il ərzində filiala səfər edənlər arasında bank xidmətlərindən ümumi məmnunluq səviyyəsi heç vaxt bank filialına getməyən şəxslərin göstəricisindən 27 pillə daha yüksəkdir (1000 ballıq şkala ilə).
Həm bank filiallarının xidmətindən, həm də mobil bankçılıqdan istifadə edən gənclər arasında məmnunluq səviyyəsi yalnız filiallara gedənlərdən 20 pillə yüksəkdir. Bu göstərici yalnız mobil bankçılıqdan istifadə edən şəxslərin məmnunluq göstəricisindən isə 37 pillə yüksək olub. Yeni açılan hesabların dörddə üçü həmçinin bank filiallarında açılır.
JD Power şirkəti əmindir ki, mobil xidmətlərin göstərilməsi banklar üçün çox vacibdir. İstifadəçilərinə mobil xidmətlər təklif edən banklar digər banklar ilə müqayisədə daha məmnun müştərilərə, brendin ümumi imicinə və əmanətçilərin qorunub saxlanması üzrə yüksək göstəiricilərə sahib olur.
Bundan əlavə, məmnunluq dərəcəsinə əhəmiyyətli dərəcədə təsir edən cəhət problemin həlli üçün kömək göstərilməsidir. Müştərilər isə problemin həlli üçün ənənəvi olaraq filiallara müraciət edir. Nisbətən gənc müştərilər isə adətən online köməkdən yararlanmağa üstünlük verir. Xüsusən də sosial şəbəkələr vasitəsilə.
