İranın eks-prezidenti Həsən Ruhani 2024-cü ildə ölkədə keçiriləcək parlament seçkilərində iştirak etmək niyyətindədir.
Bu barədə “Təsnim” mənbələrinə istinadən yazıb.
Agentliyin məlumatına görə, sabiq dövlət başçısı aktiv siyasətə qayıtmaq qərarına gəlib və islahatçıları seçkilərə aparacaq.
Qeyd olunur ki, Ruhaninin geri qayıtmaq üçün atacağı ilk addımlardan biri memuarlarının nəşri olacaq. Siyasətçi həmçinin xarici siyasətlə bağlı sualları cavablandırmaq üçün bir sıra planlaşdırılmış görüşlər keçirməyi planlaşdırır.
Onun dəstəyinə arxalana biləcəyi seçki bloklarının siyahısını nəzərə alaraq proqram hazırlamağa hazırlaşdığı bildirilir.
“Təsnim” xatırladır ki, hakimiyyəti dövründə nüvə sazişinin bağlandığı Ruhani prezidentliyinin son illərində ölkə iqtisadiyyatında vəziyyətin ağırlaşması fonunda ən qeyri-populyar liderlərdən birinə çevrilmişdi.
