17 C
Baku
Monday, May 27, 2024

Rusiyadan Azərbaycana fiziki şəxslərin pul köçürmələri 4.9 dəfə artıb

Bu ilin ilk altı ayında fiziki şəxslərin Azərbaycana digər ölkələrdən pul köçürmələri 1.6 milyard dolları ötüb. Bu, bir il əvvəlkindən 3.3 dəfə çoxdur. Rusiyadan köçürmələr 4.9 dəfə artaraq 1.28 milyard dollara çatıb (2021-ci ilin ilk altı ayında bütün köçürmələrin 53.1%-nə qarşı 80%).

Banker.az bu barədə “Kommersant”a istinadən xəbər verir.

Birinci rübdə Rusiyadan fiziki şəxslər Azərbaycana 99.7 milyon dollar, ikinci rübdə 1.18 milyard dollar köçürüblər. Köçürmələrin həcminə görə liderlər arasında ABŞ (77.1 milyon dollar, 2.6 dəfə artım), Türkiyə (55.5 milyon dollar , 15.2% artım), Almaniya (29.1 milyon dollar, 2.8 dəfə artım) və Qazaxıstan (17 milyon dollar, 8.8% artım) olub.

Fiziki şəxslərin Azərbaycandan digər ölkələrə köçürmələri 17.4% artaraq 300.6 milyon dollara çatıb. Birinci yerdə Türkiyə (90.7 milyon dollar) qərarlaşıb. Rusiyaya transfertlər 18.2% azalaraq 44.9 milyon dollara düşüb.

Mərkəzi Bankın məlumatına görə, iyun ayında Rusiya ailələri xarici bank hesablarına rekord məbləğdə 4.65 milyard dollar köçürüblər. Mütəxəssislər bu tendensiyanı rusların xaricdə açılmış beynəlxalq ödəniş sistemlərinin kartlarını doldurmaq üçün xarici hesablara vəsait göndərmələri, onların saxlanmasına görə komissiyalardan qaçmaq üçün Rusiya banklarından valyuta çıxarmaları, həmçinin paralel idxalda iştirakla əlaqələndirirlər.

Son xəbərlər
 ⁠
Digər xəbərlər