Aprel ayının ortalarında Samsung şirkəti “Samsung Fold” qatlanan ekranlı telefonunu BBC də daxil olmaqla, bir sıra beynəlxalq media qurumuna sınaq üçün göndərib.
Ancaq olsa bilsin, indi buna peşmandır.
Jurnalistlər sınaqdan keçirdikləri telefonlarda ekran problemiylə üzləşiblər. Onların böyük əksəriyyəti bir neçə günlük istifadədən sonra ekranın tamamilə pozulduğunu bildirib.
“Bloomberg”dən Mark Gurman:
The screen on my Galaxy Fold review unit is completely broken and unusable just two days in. Hard to know if this is widespread or not. pic.twitter.com/G0OHj3DQHw
— Mark Gurman (@markgurman) April 17, 2019
The Verge’dən Dieter Bohn:
https://twitter.com/backlon/status/1118573836226658304
CNBC-dən Steve Kovach:
https://twitter.com/stevekovach/status/1118571414934753280
Mark Gurman ve Deiter Bohn-un üzləşdiyi problem ekranın üzərindəki qoruyucu təbəqəni çıxarmalarından qaynaqlanıb.
Bu təbəqələr yeni telefonların çoxunda var. İstifadəçilərin çoxu onları qoparır. Ancaq “Samsung Fold”un ekranındakı təbəqəni çıxarmaq olmazmış.
Steve Kovach təbəqəni çıxarmadığı halda ekranda problem olduğunu və bununla bağlı “Samsung”dan hələ cavab gəlmədiyini bildirib.
Qiyməti 2 min dollar (təxminən 3400 m) olan bu telefon mütəxəssislərin əlində belə tez sıradan çıxıbsa, kütləvi istifadə zamanı daha çox problem yaranması ehtimalı böyükdür.
BBC telefonu qısa müddətdə araşdırıb “Samsung”a geri qaytardığına görə hər hansı problemlə qarşılaşmayıb.
BBC Azərbaycanca
