Bakı Sığorta Şirkətinin Yasamal rayonu ərazisində ilk filialı açıldı. Bakı Sığorta Şirkətinin Marketinq və CRM Departamentinin İctimai Əlaqələr üzrə mütəxəssisi Cavid Neymətzadə Banker.az saytına bildirib ki,“Hər zaman çalışırıq müştərilərimizin ümidlərini doğruldaq. Əlbəttə ki, əgər müştəri sığorta müqaviləsində olan bütün şərtlərə əməl edirsə, sığorta ödənişlərini etməkdən əsassız olaraq imtina etmirik”.
Bakı Sığorta Şirkətində yalnız könüllü sığorta növü mövcuddur. Yeni açılan filialda isə daha yeni sığorta növləri müştərilərə təklif olunacaq.
Şirkət rəsmilərinin verdiyi məlumata görə, Bakı Sığorta Şirkətinin sığorta portfelinin əsas hissəsini könüllü avtomobil sığorta məhsulu təşkil edir . Bu yaxınlarda isə müştərilərilərə mənzil sığortası ilə bağlı yeni bir layihə təqdim olunacaq. Qeyd olunur ki, bu yeni mənzil sığortası ölkə bazarında ilk dəfə olaraq müştərilərə təqdim olunacaq.
Şirkət rəsmilərinin verdiyi daha bir məlumatda bildirilir ki, bundan əlavə müştərilərə hissə-hissə ödənilən sığorta məhsulları da təklif olunacaq. Məsələn, müştərilərə kasko sığortası iki şərtlə təklif edilir. Birinci şərt odur ki, əgər müştəri kasko sığortasını Turbo kartla əldə edirsə, bu zaman ona kredit xətti ayrılır. Yəni, müştəri öz avtomobilini sığortalayır və onun sığorta haqqının 5000 manatadək, yəni sığorta haqqının 3 misli qədər ona kredit xətti ayrılır. Əgər sığorta məbləği 300 manatdırsa, bu zaman müştəriyə 1000 manat məbləğində pul ayrılır. Bu sığorta haqqı isə bizim partnyor bank tərəfindən Turbo kart kredit xətti ilə ayrılır. Həmin bu məbləğdən 300 azn sığorta haqqı üçün çıxılır, yerdə qalan 700 azn isə müştəriyə təqdim olunur. Bu məbləği də müştəri istədiyi müddət ərzində xərcləyə bilər. Həmin məbləği isə müştəri il ərzində qaytarmalıdır. Əgər 45 gün ərzində qaytararsa bu zaman bu kredit faizsiz olaraq müştəriyə təklif olunur. Lakin il ərzində geri qaytardıqda isə bu kredit 9,69 %-lə müştərilərə təklif olnur. Bu faiz dərəcəsi isə çox aşağıdır.
İkinci şərt odur ki, bəzən müştəri kredit götürmək istəmir, bu zaman o sığorta ödənişini 12 ay ərzində hissə-hissə ödəyir. Məsələn, illik sığorta ödənişi əgər 300 manatdırsa, müştəri bu məbləği hər ay 25 azn ödəməklə onlayn, post terminal və ya nəğd şəkildə həyata keçirir.
Bundan əlavə Bakı Sığorta Şirkətinin sığortaçıları onlara təklif olunan müəyyən təkliflərdən da yararlana bilərlər. Məsələn, avtomobil qəzası baş verdikdə biz müştəri evakuatorla da təmin oluna bilər, onlara Dövlət Yol Polisindən sənədlərin yığılmasında köməklik, ödənişsiz hüquqi məsləhət xidməti də göstərilir. Ən əsası isə budur ki, həmin sığortaçıya qəzadan sonra onun avtomobili təmir olunarkən ona əvəzedici bir avtomobil də təklif olunur. Əvəzedici avtomobilin verilməsi müddəti isə müştəridən asılı olaraq dəyişir. Yəni, bu müddət fərdi müştərilər üçün 14 gündür. Korporativ müştərilər üçün isə bu müddət avtomobilin tam təmir müddəti bitənədək davam edir.
