Azərbaycan hüquqi şəxslərin mənfəət (gəlir) vergisi üzrə büdcə daxilolmaları kəskin artıb.
Banker.az bu barədə Dövlət Statistika Komitəsinin hesabatına istinadən xəbər verir.
Belə ki, cari ilin yanvar-avqust aylarında dövlət büdcəsinin gəlirlərinin 25.19%-ini hüquqi şəxslərin mənfəət (gəlir) vergisi təşkil edib. Hesabat dövründə ÜDM-dəki payı 6.02% təşkil edən bu verginin həcmi 2021-ci ilin ilk 9 ayı ilə müqayisədə 2.3 dəfə artaraq 5 milyard 113.09 milyon manata (dövlət borcu və zəmanəti üzrə öhdəliklərin Təminat Fondunun daxilolmaları nəzərə alınmaqla) çatıb. Ötən ilin yanvar-avqust aylarında hüquqi şəxslərin mənfəət vergisi üzrə daxilolmalar 2 milyard 199.05 milyon manat olmuşdu. Həmin dövrdə büdcə daxilolmalarının 13.77%-i bu verginin payına düşüb.
