2021-ci ilin yanvar-noyabr aylarında Azərbaycanda üzüm şərabının istehsalı 158.7%, konyak istehsalı 18.4%, alkoqolsuz içki istehsalı 13.5% artıb. Araq və pivə istehsalında isə azalma müşahidə olunub (müvafiq olaraq, 11.2% və 11%).
Banker.az xəbər verir ki, bu barədə Dövlət Statistika Komitəsinin təqdim etdiyi hesabatda bildirilir.
Bu ilin 11 ayında alkoqolsuz içki istehsalı son 5 ilin maksimumuna çatıb – 27807,7 min dkl.. 01.12.2021-ci il vəziyyətinə hazır alkoqolsuz içki ehtiyatı 401,1 min dkl. təşkil edir.
Hesabat dövründə istehsal olunmuş pivənin həcmi isə 4577,5 min dkl. təşkil edib və 01.12.2021-ci il vəziyyətinə 243,9 min dkl. hazır pivə ehtiyatı var. Pivə son 5 ilin maksimumuna ötən il çatmışdı – 5172.9 min dkl.
Həmçinin qeyd olunan dövrdə 1322,9 min dkl. araq, 601,8 min dkl. üzüm şərabı istehsal olunub. 01.12.2021-ci il vəziyyətinə hazır məhsul ehtiyatı bu içki məhsullarına müvafiq olaraq, 277,6 min dkl. və 1044,2 min dkl. təşkil edir.
Konyak istehsalı da son 5 ildə öz maksimumuna çatıb – 27,7 min dkl. və 01.12.2021-ci il vəziyyətinə 20,2 min dkl. hazır konyak ehtiyatı var.
Banker.az son 5 ildə içki məhsullarının istehsal bağlı araşdırmanı təqdim edir :
| İçki məhsulları | 2017 | 2018 | 2019 | 2020 | 2021 |
| Araq, min dkl | 475.6 | 676.4 | 1720.2 | 1842.7 | 1322.9 |
| Brendi (konyak), min dkl | 5.3 | 18 | 24 | 24.1 | 27.7 |
| Üzüm şərabı, min dkl | 925.4 | 1448.1 | 525.9 | 232.6 | 601.8 |
| Pivə, min dkl | 4274.2 | 4503.1 | 4742.9 | 5172.9 | 4577.5 |
| Alkoqolsuz içkilər, min dkl | 17706.0 | 21089.1 | 23727.5 | 24488.3 | 27807.7 |
