Azərbaycanda bank müştərilərinin sayı 2020-ci ilin oktyabr ayına 8 850 082 nəfər təşkil edib.
Banker.az Mərkəzi Bankın statistikasına istinadən xəbər verir ki, Bank müştərilərindən 8 737 525 nəfəri fiziki şəxslər, 112 557 nəfəri isə hüquqi şəxslər olub. Ötən ay ilə müqayisədə fiziki şəxslərin sayı 91 694 nəfər artıb, hüquqi şəxslərin sayı 2 520 nəfər azalıb.
Oktyabrda müştəri hesablarının sayı 195 min 574 ədəd artaraq 20 825 668-ə çatıb. O cümlədən, cari hesabların sayı 172 min 966 artaraq 17 776 393-ə, kredit hesablarının sayı 8 min 85 artaraq 2 698 790-a, depozit hesablarının sayı isə 14 min 523 artaraq 350 485-ə yüksəlib.
Ötən ilin oktyabr ayı ilə müqayisədə fiziki şəxslərin cari hesablarının sayı 2 067 031 artıb, hüquqi şəxslərin cari hesablarının sayı isə 20 min 401 azalıb. Sentyabr ayı ilə müqayisədə isə bu ilin oktyabrında hüquqi şəxslərin cari hesablarının sayı 25 min 783 azalıb.
