“Sony” şirkəti yeni “Xperia 1 IV” flaqmanını təqdim edib. Yenilik əvvəlki modelin dizaynında hazırlanıb və təkmilləşmiş proqram təminatı alıb, Banker.az bu barədə xarici mediaya istinadən xəbər verir.
Vurğulanır ki, flaqman 4K HDR videoçəkiliş, Snapdragon 8 Gen 1 çipset və 12 GB operativ yaddaşla təmin edilib. Bundan əlavə, smartfon simsiz yükləmə texnologiyası ilə təmin olunub. Əvvəlki nəsillərdən fərqli olaraq, “Xperia 1 IV” adaptersiz satılır.
Smartfonun korpusu metal çərçivə və mat şüşədən hazırlanıb. Eyni zamanda IP65/68 standartına uyğun olaraq qoruma nəzərdə tutulub. Yeniliyin satışına iyulun 16-da başlanılır. Smartfonun qiymətinin 1299 funt sterlinqdən başlayacağı bildirilir.
