“S&P Global Ratings” beynəlxalq reytinq agentliyi Azərbaycanda depozitlərin dollarizasiyasının tədricən azalması məsələsinə toxunub.
Banker.az xəbər verir ki, bu, agentliyin yeni qiymətləndirməsində qeyd edilir.
Xarici valyutada depozitlər 2015-ci ilin sonundakı 79%-dən 31 oktyabr 2023-cü il tarixinə müştərilərin ümumi depozitlərinin 41%-nə qədər azalıb.
Agentlik müqayisə olaraq bildirir ki, region ölkələrində bu rəqəm Azərbaycandan xeyli yuxarıdır. Belə ki, bu pay Gürcüstanda 51%, Ermənistanda isə 50% təşkil edir.
“Xarici valyutada kreditlər və depozitlər arasında uyğunsuzluğu etiraf etsək də, banklar açıq valyuta mövqelərini hedcinq edirlər”.
Azərbaycanın bank sistemindəki pərakəndə əmanətlər 2016-cı ilin sonundan etibarən 70% artıb. 2023-cü ilin oktyabrında “Muğanbank”ın lisenziyasının ləğvindən sonra son beş il ərzində depozitlər üzrə əməliyyatlara görə bankların defolt halları ilə bağlı hər hansısa hala rast gəlmədiyi vurğulanır.
Rezident depozitlərdən daha dəyişkən hesab etdiyimiz qeyri-rezident depozitlərinin payı əsasən Rusiya pulunun axını hesabına 2021-ci ildəki 1.4%-dən 2022-ci ilin sonunda 5%-ə (2.5 milyard manat) yüksəlmişdir. Lakin bu göstərici Gürcüstan (18%) və Ermənistandan (20%) xeyli aşağıdır.
