Sumqayıt Texnologiyalar Parkının rəhbərliyində dəyişiklik edilib. “Sumqayıt Texnologiyalar Parkı” MMC-yə icraçı direktor vəzifəsinə Emin Yaşar oğlu Məmmədov təyin olunub.
Bu barədə məlumat Banker.az-a Qurumdan bildirilib.
Emin Məmmədov 6 oktyabr 1973-cü ildə anadan olub. 1995-ci ildə Azərbaycan Dövlət Neft Akademiyasının “Energetika” fakültəsini, 2000-ci ildə Azərbaycan Dövlət İqtisad Universitetinin “Maliyyə və kredit” fakültəsini bitirib. Emin Məmmədov tanınmış beynəlxalq maliyyə təşkilatlarının əməkdaşı olaraq, istehsal layihələrinin maliyyələşdirilməsi sahəsində də böyük təcrübə toplamış, 1997-ci ildən bank sistemində çalışır.
