Tayvanın Turizm İdarəsi daimi xarici turistlərin 8 min Tayvan dollarına (təxminən 253,4 ABŞ dolları) qədər mükafatlandırılması planlarını açıqlayıb. Bu barədə cümə axşamı yerli “Taipei Times” qəzeti yazıb.
Qurumun bəyanatında qeyd olunur ki, güzəştlər bütün xarici turistlər üçün əlçatandır. Adanı təkrar ziyarət edən turistlərə 5 min TWD ödəniləcək. Əgər onlar özləri ilə əlavə səyyahlar gətirərlərsə, daha 3 min TWD bonus alacaqlar.
Bu ilin ilk rübündə Tayvana təxminən 3 milyon xarici turist səfər edib ki, bu da ötən ilin eyni dövrü ilə müqayisədə 3,8% çoxdur.
Adanı ən çox ziyarət edənlər yapon turistlərdir. 2025-ci ildə Tayvana təxminən 1,48 milyon Yaponiya vətəndaşı səfər edib ki, bu da 2024-cü illə müqayisədə 12% artım deməkdir.
