ABŞ Prezidenti Donald Tramp bəyan edib ki, İran və ABŞ arasında atəşkəs rejimi qarşılıqlı zərbələrə baxmayaraq qüvvədə qalır. “Atəşkəs qüvvədədir. O, qüvvəsini saxlayır”, — deyə Amerika prezidenti ABC News-a müsahibəsində bildirib.
Daha sonra Donald Tramp Truth Social platformasında İran rəhbərliyini “dəli” adlandırıb və bildirib ki, Tehran ən qısa zamanda yeni saziş imzalamalıdır, əks halda daha sərt hərbi təzyiqlə üzləşəcək. “Bu gün onları necə geri oturtduqsa, əgər razılaşmanı imzalamasalar, gələcəkdə onları daha güclü və daha sərt şəkildə geri oturdacağıq”, — deyə o yazıb.
Bundan əvvəl SEPAH ABŞ-ni Cask limanı yaxınlığında İran tankerinə hücum etməkdə və Hörmüz boğazı yaxınlığında Amerika esmineslərinin peyda olmasından sonra atəşkəsi pozmaqda ittiham edib.
