ABŞ Prezidenti Donald Tramp bildirib ki, iyunun 22-də Hörmüz boğazı vasitəsilə təxminən 19 milyon barel neft daşınıb. Onun sözlərinə görə, bu göstərici rekord həddə çatıb.
“Dünən Hörmüz boğazından 19 milyon barel neft daşındı — bu, mütləq rekorddur. Neft qiymətləri düşür, dünya isə daha təhlükəsiz olur”, — Tramp özünün “Truth Social” platformasında yazıb.
Prezidentin bəyanatı Hörmüz boğazında gəmiçiliyin bərpası və regionda gərginliyin nisbətən azalması fonunda səslənib. Son günlərdə boğaz vasitəsilə enerji daşıyıcılarının tədarükünün bərpa olunması qlobal neft bazarında qiymətlərin aşağı düşməsinə təsir göstərib.
