“Hindistanla ticarət müqaviləsini Amerika üçün sərfəli olacağı təqdirdə imzalayacağam”.
Bunu ABŞ prezidenti Donald Tramp jurnalistlərlə görüşü zamanı bildirib.
“Bu yaxınlarda (Hindistanın Baş naziri Narendra) Modi ilə danışdım. Görəcəyik. Əgər (ABŞ üçün) qazanclı bir saziş bağlaya bilsək, onda imzalayacağıq”- deyə, o bildirib.
Amerika Birləşmiş Ştatlarının prezidenti fevralın 24-dən 25-dək Hindistana rəsmi səfər edəcək.
Qeyd edək ki, Hindistan hökuməti yaxın vaxtlarda ABŞ istehsalı olan 24 helikopterin alınması barədə sazişi rəsmi olaraq təsdiqləmək niyyətindədir.
Qərar ABŞ Prezidenti Donald Trampın Hindistana səfəri ərəfəsində qəbul edilməlidir. Müqavilənin ümumi dəyərinin 2.6 milyard dollar olduğu deyilir.
©Report
