Türk Ordusu "çevriliş etdi"

Türk Silahlı Qüvvələrinin verdiyi deyilən bəyanatda Ordunun ölkəyə nəzarəti ələ aldığı deyilir.

Bundan əvvəl, Türkiyənin baş naziri bir hərbi “qrup” tərəfindən “qanunsuz əməliyyatı” pisləyib.

⚡️📲Təcili xəbərlər üçün bizi WhatsApp kanalından izlə

Hazırda Ankara üzərində hərbi təyyarələr uçur, İstanbulda isə körpülər bağlanıb.

Türkiyə Silahli Qüvvələri tərəfindən verildiyi deyilən açıqlamada bu ifadələrə yer verildi: “Konstitusiya quruluşunun, demokratiyanın, insan haqları və azadlığının təkrar təmini və təsisi ölkədə hüququn üstünlüyünun yenidən hakim olması, pozulan asayiş düzəninin yerinə qoyulması məqsəilə ölkəyə nəzarəti bütünlüklə ələ alınmışdır”.

“Bütün beynəlxalq müqavilələrimiz və anlaşmalarımız keçərlidir. Bütün dünya ölkələri ilə münasibətlərimizin davam edəcəyini bildiririk.”

Baş nazir Binali Yildirim deyib ki, hərbi əməliyyat rəsmi icazəsizdir. Lakin o əməliyyatı çevriliş adlandırmayıb. Onun sözlərinə görə, hadisə Türkiyənin demokratiyasına zərər vurmayacaq.

İstanbulda hazırda Bosfor və Fatih Sultan Mehmet körpülərində nəqliyyatın hərəkəti dayandırılıb.

Həmçinin Ankarada silah səslərinin eşidilməsi barədə məlumatlar gəlir.