14 dekabr 2021-ci il tarixində Bakı Fond Birjasında Azərbaycan Respublikası İpoteka və Kredit Zəmanət Fondu ASC–nin (AZ2055008687 ISIN-li), 40 mln manat həcmində, 9 720 gün tədavül müddətli ipoteka istiqrazlarının yerləşdirilməsi üzrə hərrac yekunlaşıb.
Banker.az xəbər verir ki, bu barədə BFB-dən bildirilir.
Hərrac zamanı 3 investor tərəfindən 3 sifariş təqdim edilmişdir. Sifarişlərin nominal qiymətlə ümumi məbləği 95 mln. manat olub.
İstiqrazların nominal qiymətlə yerləşdirilmiş həcmi 40 mln. manat təşkil etmişdir.
Bu istiqrazların nominal qiyməti 1 000 manat, illik ödəniş faizi 3% və 27 il tədavül müddəti var idi.
İstiqrazların ödəmə tarixi 25 iyul 2048-ci ildir.
