İsrail Müdafiə Qüvvələri (IDF) Fələstinin HƏMAS qruplaşmasının kəşfiyyat rəhbərinin Qəzza zolağındakı evinə raket zərbəsi endirib.
Bu ev qruplaşma tərəfindən hərbi infrastruktur kimi istifadə olunub.
Məlumata görə, İsrail hərbçiləri hazırda bütün zolaqda zərbələr endirməkdə davam edir.
Bundan başqa, İsrail Müdafiə Qüvvələrinin sözçüsü bildirib ki, onun ölkəsi şənbə günü HƏMAS silahlı qruplaşmasının hücumlarından sonra vəziyyətə tam nəzarəti bərpa etməyib.
“Qəzzada İsrail təhlükəsizlik qüvvələri ilə terrorçular arasında hələ də aktiv döyüşlər gedir. Və təəssüf ki, biz hələ də bütün icmalarımıza və bütün bazalarımıza tam nəzarəti bərpa edə bilməmişik” – Conatan Konrikus deyib.
