Venesuela “Visa” və “Mastercard” ödəniş sistemlərindən imtina etmək üçün bir sıra variantları nəzərdən keçirir, bu haqda ölkənin iqtisadiyyat və maliyyə naziri Simon Serpa xəbər verib.
Banker.az xəbər verir ki, bundan əlavə, onun sözlərinə görə, ölkə bir neçə gün ərzində sistemini Bolivarda tətbiq etməyi planlayır.
“Venesuela bir neçə variantı nəzərdən keçirir. Biz bunları istifadə etmək məcburiyyətindəyik. Yaratdığımız sistemimiz Union Pay kimi böyük olmasa da, bizim öz ödəniş sistemimiz olacaq. Bizim bir neçə variantımız var, önümüzdəki günlərdə onlardan birini tətbiq etməyi planlayırıq”, – deyə nazir qeyd edib.
Venesuela Mərkəzi Bankının daha əvvəl verdiyi məlumata görə, 2018-ci ildə ölkədə inflyasiyanın səviyyəsi 130 060 % təşkil edib.
Qeyd edildiyi kimi, yanvar ayında istehlak qiymətlərinin rekord artımı müşahidə olunub – 196,6%. 2017-ci ilin analoji dövründə bu rəqəm 862,6%, 2016-cı ildə isə 274% təşkil edib.
Mərkəzi Bankın verdiyi məlumata görə, 2018-ci ilin üçüncü rübündə ÜDM-un həcmi 2017-ci ilin analoji dövrü ilə müqayisədə 22,5% azalıb.
